నీవు నన్ను వదిలివెళ్తున్న ఆ క్షణం

నీవు నన్ను వదిలివెళ్తున్న ఆ క్షణం

ఒంటరినై ఒంటరిగా నీ వైపే చూస్తున్న

గుండె ఎప్పుడు లేని వేగంగా స్పందిస్తూ

నా పెదవుల మూగబోయిన ఆ క్షణం

హృదయం మాత్రం నీకై కేకలు వేస్తూంది

నడుం వంపుల మధ్య అటు ఇటు కదలే

నీ వాలు జడ , సెలవంటూ వెళ్తోంది

నా గొంతు బరువై మూగబోయింది

నీ కోసం ఎదురు చుస్తున్నాను అన్నట్టుగా

నా కన్నీళ్ళు భూమాత పై ఒట్టు వేసాయ్ 

నీ వెళ్తూ చూసిన ఆ చివరి చూపు

రామబాణమై నా హృదయాన్ని తాకి

కంటికి కునుకు లేకుండా చేసింది

నీ రాకకై వేయికన్నులతో చూస్తున్న

సునామి లాంటి నీ ప్రేమతో నన్ను

ముంచివేయ్ .. నీలో కలిపేయ్